Эцэг эхчүүд ямар ажил мэргэжилтэй, ажил хөдөлмөр эрхэлдэг, эрхэлдэггүйгээс үл хамааран сургуулийн ажил мэргэжлийн чиг баримжааг хэрэгжүүлэхэд, суралцагчдад ажил мэргэжил, ажлын ертөнц, тодорхой ажил хөдөлмөр эрхлэхэд шаардлагатай боловсрол, сургалтын талаар мэдээлэл өгөхөд чухал эх сурвалж, нөөц болж чадна. Эцэг эхчүүд ахлах ангийн ажил мэргэжлийн чиг баримжаанд дараах чиглэлээр дэмжлэг үзүүлэх боломжтой. 

• Сургуулийн уддирдлага, багш, нийгмийн ажилтанд хаана, хэнд ажил мэргэжлийн эх сурвалж, нөөц байдаг, үүнийг яаж ашиглах талаар зөвлөгөө өгөх, санал тавих
• Сургуулийн удирдлага, багш болон эцэг эхийн зөвлөлөөр баталсан Зөвлөн туслах зөвлөлтэй хамтран сургуульд суурилсан хөтөлбөр, төлөвлөгөө боловсруулахад оролцох
• Сургуулийн түвшний ажил мэргэжлийн чиг баримжааны хэрэгжилтэд хяналт тавих
• Сургуульд ажил мэргэжлийн чиг баримжааны эх сурвалж, нөөцийг санал болгох
• Суралцагчдад ажилын туршлага судлах, ажиглалт хийх боломжийг олгох
• Суралцагчдад бодит ажлын байр, МБСБ болон их дээд сургуулийг танилцуулах зорилгоор зорчуулахад багшийн туслахаар ажиллах
• Анги танхимийн үйл ажиллагаанд ажил мэргэжлийн талаар мэдээлэл өгөх, өөрийн туршлагаасаа хуваалцах